2026-yil 6-noyabr kuni Markaz xodimlarining ilmiy, uslubiy va ekspert-tahliliy faoliyati natijalari amaliyotga joriy etilganligini tasdiqlovchi navbatdagi ma’lumotnoma olindi.

2026-yil 24-oktabr kuni Markaz direktorining o‘rinbosari Z. Ashurov tomonidan Aniq va ijtimoiy fanlar universiteti talabalari hamda professor-o‘qituvchilari uchun “Korporativ boshqaruvning amaliy jihatlari va O‘zbekiston qonunchiligidagi so‘nggi o‘zgarishlar” mavzusida ilmiy-amaliy seminar o‘tkazildi.

80 yoshlik muborak!

Hurmatli Aleksandr Nikolayevich Kravchenko!

Tadqiqotlar markazi jamoasi Sizni qutlug‘ 80 yoshlik yubileyingiz bilan samimiy muborakbod etadi!

Sizning ko‘p yillik mehnat va ilmiy faoliyatingiz tanlangan kasbga sadoqat, yuksak kasbiy mahorat hamda milliy ilm-fan ravnaqi yo‘lida izchil xizmat qilishning yorqin namunasidir. Hayotingizning yarim asrdan ortiq davri ilmiy tadqiqotlar, iqtisodiy islohotlar va O‘zbekiston Respublikasida baholash faoliyatini rivojlantirish bilan chambarchas bog‘liq.

Tadqiqotlar markazi jamoasi bo‘lim boshlig‘i, iqtisodiyot fanlari nomzodi Nuraliev Rustam Turgunovichni professor ilmiy unvoni berilganligi bilan samimiy tabriklaydi.

2026-yil 19-oktabr kuni Markaz xodimlari O‘zbekiston Respublikasi Davlat aktivlarini boshqarish agentligining katta majlislar zalida bo‘lib o‘tgan 21-oktabr — O‘zbek tili kuniga bag‘ishlangan madaniy-adabiy tadbirda ishtirok etdilar.

2026-yil 16-oktabr kuni Markazning 2026-yilga mo‘ljallangan ish rejasiga muvofiq hamda Mulk va bozor munosabatlari rivojlanishini tahlil qilish va modellashtirish ilmiy laboratoriyasi faoliyati doirasida Tadqiqotlar markazida navbatdagi ilmiy seminar bo‘lib o‘tdi.

Tadqiqotlar markazi Birlashgan Millatlar Tashkiloti (BMT) Bosh kotibi shafeligida faoliyat yurituvchi Xalqaro barqaror rivojlanish yechimlari tarmog‘iga (Sustainable Development Solutions Network - SDSN) a’zo bo‘ldi. Markaz a’zoligi to‘g‘risidagi ma’lumotlar SDSN veb-saytida O‘zbekiston milliy tarmog‘i - SDSN Uzbekistan bo‘limida rasman e’lon qilingan.

2026-yil 8-oktabr kuni O‘zbekiston Respublikasi Davlat aktivlarini boshqarish agentligi huzuridagi Xususiylashtirish va davlat aktivlarini boshqarish muammolarini tadqiq etish markazining kichik ilmiy xodimi Mirzarahmonov Farrux Saparali o‘g‘li malaka imtihonini muvaffaqiyatli topshirib, O‘zbekiston Respublikasi Istiqbolli loyihalar milliy agentligi tomonidan beriladigan qimmatli qog‘ozlar bozori mutaxassisining I toifali malaka sertifikatini oldi.

2026-yil 30-sentabr kuni Markaz xodimlari O‘zbekiston Respublikasi Prezidenti Shavkat Miromonovich Mirziyoyevning O‘zbekiston Respublikasi davlat mustaqilligining 35 yilligiga bag‘ishlangan tantanali marosimdagi nutqining mazmun-mohiyati va ahamiyatini o‘rganishga bag‘ishlangan o‘quv seminarida ishtirok etdilar.

2026-yil 29-sentabr kuni Markazda Mulkchilik va bozor munosabatlarini rivojlantirishni tahlil qilish va modellashtirish ilmiy laboratoriyasi doirasida navbatdagi ilmiy seminar bo‘lib o‘tdi.