2026-yil 18-sentabr kuni Markaz xodimlari O‘zbekiston Respublikasining “O‘zbekiston Respublikasi Administratsiyasi to‘g‘risida”gi Konstitutsiyaviy Qonunining maqsad va vazifalari, mazmuni hamda asosiy qoidalariga bag‘ishlangan o‘quv seminarida ishtirok etdilar. Seminar Davlat aktivlarini boshqarish agentligining katta majlislar zalida tashkil etilib, o‘tkazildi.

Seminarda taklif etilgan spiker sifatida Toshkent davlat yuridik universitetining katta o‘qituvchisi Imomniyozov Doniyor Baxtiyor o‘g‘li ishtirok etib, seminar qatnashchilarini yangi Konstitutsiyaviy Qonunning asosiy qoidalari bilan batafsil tanishtirdi.

Tadbir davomida O‘zbekiston Respublikasi Administratsiyasi faoliyatining huquqiy asoslari, uning maqsad va vazifalari, faoliyatining asosiy yo‘nalishlari, shuningdek, yangi qonunchilikning davlat boshqaruvi tizimini yanada takomillashtirishdagi ahamiyati muhokama qilindi.

Seminar davomida Konstitutsiyaviy Qonun qoidalarini amaliyotga tatbiq etish, davlat organlari o‘rtasidagi hamkorlik masalalari hamda davlat boshqaruvi samaradorligini oshirishning amaliy jihatlariga alohida e’tibor qaratildi.

Tadbir ishtirokchilari yangi qonunchilikni qo‘llash bilan bog‘liq dolzarb masalalar yuzasidan tushuntirishlar olish hamda uning asosiy qoidalarini muhokama qilishda ishtirok etish imkoniyatiga ega bo‘ldilar.